Fransa ilə diplomatik əlaqələri kəsən Burkina-Faso, Uaqaduqudakı səfirliyin bağlanması üçün Parisə 26 iyundan etibarən yeddi gün vaxt verib.
Oxu.Az-ın məlumatına görə, bu barədə "Le Monde" nəşri öz mənbələrinə istinadən xəbər yayıb.
Fransa səfiri Burkina-Fasonu 2023-cü ilin yanvarında tərk edib və vəzifələri müvəqqəti işlər vəkili icra edib. Diplomatik nümayəndəlikdə təxminən 20 nəfər çalışıb.
Burkina-Fasonun qərarı Avropa Parlamentinin qətnaməsi ilə əlaqədardır. Qətnamə Burkina-Fasoda əsas azadlıqların boğulmasını pisləyir.
İyunun 27-də Burkina-Faso hökuməti Fransanı neokolonializmdə, Saheldəki terror şəbəkələrini dəstəkləməkdə və ölkədəki hadisələri təhrif etməkdə ittiham edərək diplomatik əlaqələri kəsib.
Fransa Xarici İşlər Nazirliyi isə mümkün cavab addımlarını nəzərdən keçirdiyini bildirib.
