Oskar namizədi iranlı rejissor Cəfər Pənahi yenidən məhkəməyə çıxarılır. O, hakimiyyət əleyhinə təbliğatda ittiham olunur.
The Hollywood Reporter-ın məlumatına görə, məhkəmə onun qiyabi olaraq 1 il həbs və 2 il kino fəaliyyəti qadağası ilə nəticələnən işinə yenidən baxılmasını təyin edib. Səbəblər açıqlanmayıb.
Dinləmə mayın 20-də keçiriləcək. Əvvəlki hökm zamanı rejissor ölkə xaricində idi və Kann Film Festivalında Qızıl Palma Budağı alan Sadə təsadüf filmini təqdim edirdi.
Pənahi 2022-2023-cü illərdə 86 gün həbsdə saxlanılmış, aclıq aksiyası və apellyasiyadan sonra azad edilmişdi.
