Cənubi Koreyada bir bank meneceri 45 min dollar pulu oğurlayaraq seyfdə əvvəlcədən aldığı oyun pulları ilə əvəz edib.
Oxu.Az xəbər verir ki, bu barədə "Oddity Central" məlumat yayıb.
Hadisə əməkdaşlardan birinin şübhəli davranışları müşahidə etməsi ilə üzə çıxıb. O, vəziyyəti rəhbərliyə bildirib, yoxlamadan sonra menecer vəzifəsindən uzaqlaşdırılıb. Oğurlanan vəsait geri qaytarılıb, bank məsələni daxili qaydada həll edib.
Oyun pullarının üzərində ördək, ayı və digər heyvan təsvirləri olub, real pullardan tamamilə fərqlənib. Cinayət kiçik filialda baş verib, seyfə yalnız bir nəfər nəzarət edib.
