Çexiyada son 30 ilin ən ağır qoturluq epidemiyası yaşanır. Rəsmi məlumatlara görə, ilin əvvəlindən 7 mindən çox yoluxma qeydə alınıb, 4 xəstə isə həyatını itirib.
Çexiya Dövlət Səhiyyə İnstitutunun məlumatına əsasən, bu il yarım ildə ötən ilin illik göstəricisi keçilib. Yoluxma sayı iki dəfə artaraq 5 mindən 7 minə yüksəlib.
Ən çox yoluxma Moraviya-Sileziya vilayətində müşahidə olunur. Xəstələrin əksəriyyətini 19 yaşadək gənclər təşkil edir.
Yanvar-iyun dövründə bölgədə 670 yoluxma halı aşkarlanıb ki, bu da ötən ilin eyni dövrü ilə müqayisədə 200 çoxdur.
