Çilidə narkotik aşkarlama təlimi keçmiş it, rəsmi mərasim zamanı Hərbi Dəniz Qüvvələrinin vitse-admiralı Arturo Oksliyə hücum edib.
Oxu.Az xəbər verir ki, bu barədə "BioBioChile" nəşri məlumat yayıb. Belçika malinuası cinsi itlər narkotiklərin aşkarlanması üçün xüsusi təlimdən keçirilir. Mərasim zamanı itlərdən biri vitse-admiralın istiqamətinə tullanaraq onun şalvarının cibindən yapışıb.
Hadisənin səbəbi kimi itin yaşı, temperamenti və yüksək həyəcan vəziyyəti göstərilib. Arturo Oksli xəsarət almayıb, lakin hərbi forması zədələnib. İt yenidən hazırlıq keçir və dəniz polisinin nəzarətində saxlanılır.
