Çin "Şençjou-23" pilotlu kosmik gəmisini uğurla orbitə göndərib. Çin Mərkəzi Televiziyası məlumat yayıb ki, gəmi daşıyıcı raketdən ayrılaraq nəzərdə tutulan orbitə çıxıb. Ekipajın vəziyyəti yaxşıdır və buraxılış uğurlu hesab olunur.
Buraxılış yerli vaxtla saat 23:08-də (Bakı vaxtı ilə 18:08) Çinin şimal-qərbində yerləşən Tsyüçüan kosmodromundan həyata keçirilib.
Missiya heyəti orbitdə 100-dən çox yeni elmi təcrübə aparacaq. Bunlara süni embrionlar, nadir torpaq ərintiləri və yeni batareyalarla bağlı eksperimentlər daxildir.
