2022-ci ilin mart ayında Çinin cənubunda baş verən dəhşətli təyyarə qəzasının sirri nəhayət açıldı. ABŞ Milli Nəqliyyat Təhlükəsizliyi Şurasının (NTSB) yeni araşdırmasına görə, China Eastern Airlines-a məxsus Boeing 737 qəsdən dağlara çırpılıb.
Qəza nəticəsində 123 sərnişin və 9 ekipaj üzvü olmaqla ümumilikdə 132 nəfər həyatını itirib. Təyyarə Kunmindən Quançjoua uçarkən qəfildən kəskin eniş edib və böyük sürətlə dağa çırpılıb.
Uçuş qeyd cihazlarının təhlili göstərir ki, qəzadan dəqiqələr əvvəl hər iki mühərrik əl ilə söndürülüb, avtopilot deaktiv edilib. Pilotlar arasında təyyarənin idarəsi uğrunda mübarizə gedib: biri təyyarəni yerə endirməyə çalışarkən, digəri dik eniş edərək idarəni ələ keçirib.
Çin aviasiya qurumları texniki nasazlıqlara dair heç bir sübut tapmayıb. Ekipaj heç bir təhlükə siqnalı verməyib. Bu faktlar qəzanın qəsdən törədildiyi ehtimalını gücləndirir.
Hadisənin dəqiq motivi hələlik məlum deyil, lakin araşdırmalar davam edir.
Oxşar mövzularda daha çox məlumat üçün təyyarə qəzası, aviaqəza, China Eastern Airlines, NTSB səhifələrinə baxa bilərsiniz.
