Çinin Hubey əyalətində məhkəmə, zorlama nəticəsində doğulmuş 28 yaşlı qadını bioloji atasına aliment ödəməyə məcbur edib.
64 yaşlı Liao, sağlamlıq problemləri və gəlirsiz olduğunu əsas gətirərək, qızı Linin ona aylıq 1500 yuan (təqribən 373 manat) verməsini tələb edib. İlkin məhkəmə qərarı ilə qadın aylıq 500 yuan (təqribən 125 manat) ödəməlidir.
Qadın etiraz edərək, zorlama nəticəsində doğulduğunu və atasının valideynlik borcunu heç vaxt yerinə yetirmədiyini bildirib. Lakin apellyasiya məhkəməsi zorakılıq faktını sübuta yetirilmədiyi üçün qərarı dəyişməyib.
