2024-cü ilin yanvarında taxtdan çəkilən Danimarka kraliçası II Marqrete ürək çatışmazlığı diaqnozu ilə xəstəxanaya yerləşdirilib.
Kral sarayının mətbuat xidmətinin məlumatına görə, 86 yaşlı sabiq monarx tibbi nəzarət altına alınıb.
O, həftəsonunu Kopenhagendəki Milli Kral Xəstəxanasında keçirəcək.
II Marqrete 14 yanvar 2024-cü ildə 52 illik hakimiyyətdən sonra oğlu X Frederikin lehinə taxtdan imtina edib. O, təxminən 900 il ərzində könüllü şəkildə taxtdan çəkilən ilk Danimarka monarxı olub. İmtinadan sonra da o, Ülyahəzrət titulunu saxlayıb.
