Niderlandda məşhur arxeoloq Vim Deykman, fransız muşketyoru d'Artanyana aid olduğu ehtimal edilən sümük qalıqlarını gizlətməkdə şübhəli bilinərək saxlanılıb.
Oxu.Az "PZC" nəşrinə istinadən xəbər verir ki, alim qalıqları rəsmi qurumlara təhvil verdikdən sonra sərbəst buraxılıb.
Məlumata görə, çiyin sümüyü və iki dişdən ibarət qalıqlar Maastrixt şəhərində aşkarlanıb. Bələdiyyə onların dövlətə qaytarılmasını tələb etsə də, Deykman qalıqları evində gizlədib.
Hadisədən sonra bələdiyyə ilə arxeoloq arasında münasibətlər gərginləşib. Maraqlıdır ki, Deykman 2026-cı ildə arxeologiyaya töhfəsinə görə cəngavər titulu almışdı.
