Çində 39 yaşlı turist bir həftə açıq dənizdə qaldıqdan sonra sağ tapılıb. HNTV-nin məlumatına görə, o, Haynan adası yaxınlığında təsadüfən dənizə düşüb.
Xilasetmə vasitəsi olmadan suda qalan turist sağ qalmaq üçün yalnız xırda xərçənglərlə qidalanıb. Ağır günəş yanığı və susuzluq səbəbindən vəziyyəti pisləşib, hətta hallüsinasiyalar yaşayıb.
Hadisənin 4-5-ci günləri ən çətin dövr olub. Yaxınlıqdan keçən bərəyə işarə versə də, diqqət çəkə bilməyib. Nəhayət, Çentszyao bölgəsi yaxınlığında iki balıqçı tərəfindən xilas edilib və xəstəxanaya çatdırılıb.
