Böyük Britaniyadan olan tiktoker Bruk Corca Dubayda internet vasitəsilə tanış olduğu gənci qətlə yetirməkdə ittiham olunur. Onu BƏƏ-də güllələnmə yolu ilə ölüm hökmü gözləyir.
Oxu.Az-ın məlumatına görə, bu barədə "Daily Mail" qəzeti "Detained in Dubai" hüquq-müdafiə təşkilatına istinadən xəbər verir.
Bloqerin 23 yaşı var və o, İngiltərənin Qreyvzend şəhərindəndir. Həyatını itirən şəxs isə 26 yaşlı Uilyam Tribidir.
Bruk britaniyalı gənci mətbəx bıçağı ilə qətlə yetirməkdə ittiham olunur. Hadisənin hücum iddiasından sonra baş verdiyi bildirilir. Qadın özünü müdafiə etdiyini iddia edir.
Tiktokerin ailəsi Tribinin ona əvvəlcə xoş münasibət göstərdiyini, sonra isə onu istismar etdiyini, pasportunu əlindən aldığını və Britaniyaya qayıtmasına mane olduğunu bildirir.
İş üzrə yekun qərarı məhkəmə verəcək. Qəsdən adamöldürmə BƏƏ-də ölüm hökmü ilə cəzalandırıla bilər.
