ABŞ Dünya Bankını iqlim maliyyələşməsi qaydasını ləğv etməyə məcbur edib.
Financial Times qəzeti xəbər verir ki, bank maliyyələşdirməsinin 45%-ni iqlim dəyişikliyi layihələrinə ayırmaq hədəfini plandan çıxarıb.
Qərar səhmdarlar arasında aylarla davam edən danışıqlardan sonra qəbul edilib. Avropa ölkələri və borc alan dövlətlər hədəfin saxlanmasını istəsə də, ən böyük səs payına malik ABŞ onun ləğvinə nail olub.
Təşkilatın əsas iqlim proqramının müddəti uzadılsa da, rəqəmsal öhdəlik sənəddən çıxarılıb. ABŞ Prezidenti Donald Trampın administrasiyası iqlim gündəliyinə qarşı çıxır.
