Dünya üzrə dollar milyarderlərinin sayı 3302 nəfərə çataraq yeni rekord qırıb. Bu, ötən illə müqayisədə 383 nəfər (13.1%) çoxdur.
Məlumat İsveçrənin UBS Group AG bankının illik hesabatında yer alıb. Tədqiqat 2025-ci ilin aprelindən 2026-cı ilin aprelinədək olan dövrü əhatə edir.
Milyarderlərin mindən çoxu ABŞ-də yaşayır. Çində 562, Hindistanda 211 nəfər var. Almaniya (193) və Rusiya (122) da siyahıda yer alır.
Əksəriyyətinin sərvəti 50 milyard dollardan azdır. 18 nəfərin varidatı 50-100 milyard, 19 nəfərin isə 100 milyard dollardan yuxarıdır. Sonuncuların 15-i ABŞ-dədir.
2026-cı ildə milyarderlərin ümumi sərvəti 2025-ci illə müqayisədə 25% artıb.
