Konqo Demokratik Respublikası (KDR) və Uqandada davam edən Ebola epidemiyası tarixin ən böyük yoluxma hadisələrindən birinə çevrilə bilər.
ABŞ Xəstəliklərə Nəzarət və Profilaktika Mərkəzinin (CDC) hesabatına görə, xəstələrin yalnız 20%-nin təcrid edilməsi halında üç ay ərzində yoluxma sayı 20 minə çatma ehtimalı 65% təşkil edir. Əhalinin 70%-nin təcrid olunması halında isə bu risk 5%-ə enir.
Hesabatda vurğulanır: "Bu nəticələr effektiv səhiyyə tədbirlərinin vacibliyini göstərir. Hazırkı epidemiya Bundibucyo virusunun törətdiyi Ebola qızdırmasının indiyə qədər qeydə alınmış ən böyük epidemiyasıdır."
Son məlumatlara görə, KDR-də 452 yoluxma təsdiqlənib, 82 nəfər ölüb.
