Konqo Demokratik Respublikası və Uqandada yayılan Ebola epidemiyası tarixin ikinci ən böyük yayılmasıdır. Xəstəliklərə Nəzarət üzrə Afrika Mərkəzinin direktoru Jan Kasseya bildirib ki, epidemiya elan ediləndə 200-dən çox ehtimal olunan yoluxma halı var idi.
Vəziyyətə sürətli reaksiya vacibdir, çünki bu ştamma qarşı vaksin və ya xüsusi dərman yoxdur. Kasseya qeyd edib ki, epidemiyanın qarşısının alınması üçün təxminən 319 milyon dollar lazımdır.
Epidemiya mayın 15-də elan edilib. "Ebola-Bundibuqyo" ştammı ilə bağlı olan bu xəstəlikdə ölüm faizi 30-50% arasındadır. İndiyədək 745-ə yaxın yoluxma və 178 ölüm halı qeydə alınıb. Laborator təsdiqlənmiş yoluxma 85, ölüm isə 9-dur.
