Karib dənizində yerləşən Litl-Sent-Ceyms adası, keçmiş sahibi Ceffri Epşteynin adı ilə tanınır. İndi isə adanın yeni sahibi milyarder Stiven Dekoff, əraziyə gizlicə daxil olmağa çalışan çağırılmamış qonaqlarla mübarizə aparır.
Bloomberg-in məlumatına görə, adaya girməyə cəhd edənlərin bəziləri Epşteynin hələ də sağ olduğuna inanır, digərləri isə "bədheybətlərlə vuruşmaq" niyyətindədir. Dekoffun işçiləri bəzən vəziyyəti öz əllərinə alırlar.
Son ziyarətçilərdən birinin soyundurulduğu, əl və ayaqlarının bağlandığı iddia edilir. Digər bir şəxs isə polis əməkdaşlarının yanında skoçla bağlanaraq döyülüb.
Xatırladaq ki, fevralın 15-də ABŞ Ədliyyə Nazirliyi Epşteynin işi üzrə sənədlərin dərci prosesini yekunlaşdırıb. Baş prokuror istintaq materiallarında adları keçən 300 məşhurun adını açıqlayıb. Onların arasında Donald Tramp, Obama və Klinton ailələri, Bill Qeyts, İlon Mask, Kurt Kobeyn və Kim Kardaşyan da var. Ədliyyə Nazirliyi vurğulayır ki, siyahıda adın hallanması hər hansı bir ittiham və ya qanunsuz hərəkətin sübutu demək deyil.
