Alimlər ikibarmaqlı ərincəyin genomunu ilk dəfə təhlil edərək ləngliyin səbəbini aşkar ediblər.
Tədqiqatın nəticələri "BMC Biology" jurnalında dərc edilib. Genetik analizlər ərincəklərin yavaş metabolizminin əsasında dayanan genetik xüsusiyyətləri üzə çıxarıb.
Ərincəklər məməlilər arasında ən aşağı maddələr mübadiləsinə malikdir. Onlar enerjiyə qənaət etmək üçün bədən istiliyini tənzimləyir.
Deşifrə edilən genomda "sıçrayan genlər" (transpozonlar) aşkarlanıb. Bu genlər təxminən 30 milyon il əvvəl ortaq əcdadda yaranıb.
Alimlər hesab edir ki, məhz bu genlər ərincəklərin yavaş hərəkət etməsinə səbəb olur.
