ABŞ Dövlət katibi Marko Rubio bu gün İrəvana səfər edir. O, ermənistanlı həmkarı Ararat Mirzoyanla qarşılıqlı anlaşma haqqında memorandum imzalayacaq.
Oxu.Az xəbər verir ki, bu məlumat ABŞ-nin xarici siyasət idarəsi rəhbərinin bazar ertəsi dərc olunmuş iş qrafikində yer alıb.
Sənədə əsasən, Rubio və Mirzoyan Bakı vaxtı ilə saat 15:30-da görüşəcəklər. Bakı vaxtı ilə 16:00-da isə memorandumun imzalanma mərasimi keçiriləcək.
Ermənistan Xarici İşlər Nazirliyi mayın 25-də Rubionun səfəri barədə məlumat yaymışdı. Görüşün nəticələrinə əsasən ikitərəfli sənədlərin imzalanması və mətbuat üçün bəyanatlar planlaşdırılır.
