Rusiyanın İstehlakçı Hüquqlarının Müdafiəsi və İnsan Rifahı Sahəsində Nəzarət üzrə Federal Xidməti (Rospotrebnadzor) ölkə bazarlarında Ermənistanda istehsal olunmuş keyfiyyətsiz spirtli içkilər aşkar edib.
Bu barədə qurumun mətbuat xidməti açıqlama yayıb. Yoxlamalar nəticəsində "Vedi-alko" QSC, "Abovyan konyak zavodu" MMC və "Şahnazaryan" Şərab-konyak evi" MMC tərəfindən istehsal olunan standartlara cavab verməyən məhsullar müəyyən edilib.
Rospotrebnadzor bildirib ki, idxalçı şirkətlərə və ticarət müəssisələrinə həmin içkilərin satışının dayandırılması və keyfiyyətsiz məhsulların dövriyyədən çıxarılması barədə tələblər göndərilib.
