Ermənistanda parlament seçkisi başlayıb. Yerli vaxtla saat 08:00-da (Bakı vaxtı ilə uyğun gəlir) ölkə üzrə 2500 seçki məntəqəsi açılıb.
Seçkidə 16 partiya və 2 blok qeydiyyata alınıb. Rəsmi məlumatlara görə, 2.5 milyon vətəndaşın səsvermə hüququ var. Yeni seçki məcəlləsi ilə minimal iştirak həddi müəyyən edilmədiyindən, seçici fəallığından asılı olmayaraq səsvermə baş tutmuş sayılacaq.
Məntəqələr saat 20:00-da bağlanacaq. Ermənistan Mərkəzi Seçki Komissiyası ilkin nəticələri növbəti gün, yekun nəticələri isə ən geci yeddinci gün elan edəcək.
