Ermənistan Mərkəzi Seçki Komissiyası (MSK) parlament seçkisinin başlanmasından əvvəlki gecə iki seçki komissiyası sədrinin və katibinin saxlanıldığını açıqlayıb.
Oxu.Az TASS agentliyinə istinadən xəbər verir ki, MSK sədri Vaaqn Ovakimyan mətbuat konfransında bildirib: "Mən bilirəm ki, seçki məntəqələrində iki sədrin və katibin yoxluğu cinayət-hüquqi proseslərlə bağlıdır. Mənə məruzə edilib ki, həmin şəxslər gecə saatlarında saxlanılıblar".
Ermənistanda növbəti parlament seçkisi iyunun 7-də başlayıb. Seçkidə 18 siyasi qüvvə iştirak edir: hakim Vətəndaş Müqaviləsi Partiyası, müxalif "Ermənistan" bloku və "Güclü Ermənistan" bloku da daxil olmaqla 16 partiya və 2 blok.
