Ermənistan Konstitusiya Məhkəməsi müxalifətin iyunun 7-də keçirilmiş parlament seçkisinin nəticələrinin ləğvi ilə bağlı iddiasını rədd edib.
Oxu.Az-a istinadən verilən məlumata görə, məhkəmə Mərkəzi Seçki Komissiyasının qərarını qüvvədə saxlayıb. İş altı gün ərzində araşdırılıb, iclaslar ümumilikdə 50 saat davam edib.
Xatırladaq ki, bir sıra müxalifət partiyaları və bloklar seçki nəticələrinin ləğvi tələbi ilə məhkəməyə müraciət etmişdi. Onlar səsvermə zamanı kütləvi pozuntular olduğunu iddia edirdi.
İyunun 7-də keçirilən seçkidə baş nazir Paşinyanın partiyası 49.83% səs toplayaraq hökuməti təkbaşına qurmaq hüququ əldə edib.
