Ermənistanın Korrupsiyaya Qarşı Mübarizə Komitəsi Lori vilayətinin Spitak şəhərində sabiq prezident Robert Koçaryanın liderlik etdiyi "Hayastan" müxalif siyasi blokunun nümayəndəliyində axtarışlar aparıb.
Qurumdan verilən məlumata görə, seçkiqabağı kampaniya zamanı ianə qadağalarını pozmaq şübhəsi ilə bir neçə nəfər saxlanılıb. Spitakdakı şöbənin rəhbəri tərəfindən seçicilərdən birinə maddi vəsait verilməsi ilə bağlı məlumat əldə edilib.
Bununla yanaşı, həmin şəxs başqaları ilə əlbir olaraq zorakı yolla sakinlərin seçki hüquqlarından istifadəsinə mane olub. "Seçki rüşvəti" 7 ildən 8 ilə qədər həbs cəzası nəzərdə tutur.
Komitə cinayət işi başladıb, bəzi şəxsləri həbs edib, axtarış və digər hüquqi tədbirlər icra edib.
