Roma Papası XIV Leo, Ferrari-nin tam elektrikli yeni modeli 'Luce'-ni ilk sınaqdan keçirənlərdən olub.
Xüsusi versiya Papaya Kastel-Qandolfodakı iqamətgahında təqdim edilib. Ferrari prezidenti Con Elkann və digər rəsmilər elektromobilin texniki xüsusiyyətlərini izah ediblər.
Sükan arxasına keçən Papa 'Bu, dördqapılı Ferrari?' deyə soruşub. Cavab olaraq, bunun markanın ilk beşnəfərlik avtomobili olduğu bildirilib.
Təqdimatdan sonra sosial şəbəkələrdə 'Ferrari Luce' kəskin tənqid edilib. Bir çox istifadəçi onu 'markanın ən çirkin avtomobili' adlandıraraq, dizaynın lüks brenddən çox məhdud büdcəli seqmentə uyğun olduğunu bildirib.
