Filippinin Anheles şəhərində tikilməkdə olan 10 mərtəbəli bina çöküb. Hadisə nəticəsində onlarla tikinti işçisi dağıntılar altında qalıb.
İlkin məlumatlara görə, bina çökən zaman daxildə işçilər olub. Axtarış-xilasetmə qrupları dərhal əraziyə cəlb edilib.
Təxminən 10 nəfər öz gücü ilə xilas ola bilib. Xilasedicilər digərlərinə çatmaq üçün konstruksiyaları sökür.
Dağıntılar qonşu binaya da ziyan vurub. Orada qalan əcnəbi turist sonradan xilas edilib.
