ABŞ-ın Florida ştatında parkinq yeri uğrunda mübahisə faciə ilə nəticələnib. 62 yaşlı veteran Bart Diqulyelmo qadın tərəfindən güllələnərək öldürülüb.
Hadisə Fort-Loderdeyl yaxınlığındakı "Walmart" hipermarketinin parkinqində baş verib. Polis çağırış üzrə gəldikdə Diqulyelmonu güllə yarası ilə aşkarlayıb. O, xəstəxanaya çatdırılsa da, həyatını xilas etmək mümkün olmayıb.
Qadın ifadəsində özünümüdafiə məqsədilə atəş açdığını iddia edir. Sosial mediada yayılan görüntülərdə kişinin boş parkinq yerini zəbt edən qadına yaxınlaşdığı və qadının onu qarın nahiyəsindən vurduğu əks olunub.
