ABŞ-nin avtomobil istehsalçısı "Ford Motor" şirkəti təhlükəsizlik kəməri nasazlığı səbəbindən ABŞ-da təxminən 420 000 avtomobili geri çağırır.
Oxu.Az-ın İnterfaks.ru-ya istinadən verdiyi məlumata görə, bu barədə ABŞ Milli Yol Hərəkəti Təhlükəsizliyi Administrasiyası (NHTSA) məlumat yayıb.
Geri çağırış 2018-2022-ci il buraxılışlı "Ford Expedition" və "Lincoln Navigator" modellərini əhatə edir.
Bu avtomobillərdə sürücü və ya ön sərnişin oturacağındakı təhlükəsizlik kəmərinin dartıcıları kəməri bloklaya bilər ki, bu da qəza zamanı xəsarət riskini artırır. Diler mərkəzləri nasaz dartıcıları dəyişdirəcək.
Qeyd edək ki, "Ford" səhmləri mayın 3-də 0.6% ucuzlaşıb. İlin əvvəlindən şirkətin kapitalizasiyası 23% artaraq 66.27 milyard dollar olub.
