Fransa Hərbi Dəniz Qüvvələri, beynəlxalq sanksiyalar altında olan Rusiya mənşəli "Tagor" tankerini Atlantik okeanında saxlayıb.
Fransa Prezidenti Emmanuel Makron, bu barədə "X" hesabında məlumat verib. O, əməliyyatın qanuni çərçivədə və tərəfdaşlarla birgə həyata keçirildiyini bildirib.
Makron həmçinin helikopterdən tankerə eniş edən desantın videosunu paylaşıb. Video dinamik musiqi ilə müşayiət olunub.
"VesselFinder" məlumatına görə, tanker may ayında Norveç sahillərində olub və Murmanskdan Baltik dənizinə hərəkət edib.
Fransa Dənizçilik Prefekturası bildirib ki, tanker Bretaninin qərbindən 400 dəniz mili məsafədə saxlanılıb. Yoxlama zamanı bayraq pozuntuları aşkarlanıb və Brest prokurorluğuna müraciət edilib. Tanker əlavə yoxlama üçün müşayiət olunur.
