Fransa Milli İctimai Səhiyyə Agentliyi rekord istilər səbəbindən 1000-dən çox ölüm qeydə alıb.
AFP xəbər verir ki, ölənlərin əksəriyyəti 65 yaşdan yuxarı şəxslərdir.
Məlumatlar qocalar evlərindən daxil olduqca hesablama davam edəcək.
İyunun 20-də başlayan istilik dalğası Avropa tarixində ən intensiv dalğa olub. Səhiyyə naziri Stefani Rist xəbərdarlıq edib ki, fəsadlar temperatur düşdükdən sonra 10 günə qədər davam edə bilər.
İsti hava şərqə doğru hərəkət edir. Şimal-şərqdə xəbərdarlıqlar qüvvədə qalır.
