Fransada uşaq bağçaları və məktəblərdə çalışan onlarla əməkdaş uşaqlara qarşı fiziki zorakılıq və seksual təcavüz ittihamları ilə istintaqa cəlb edilib. Bu, ölkədə böyük qalmaqala səbəb olub.
Oxu.Az xəbər verir ki, Paris polisi uşaqlara qarşı qəddar rəftar və zorlanma ilə bağlı 100-dən çox şikayətə baxır. İddialara əsasən, hadisələr nahar fasilələri, gündüz yuxusu və dərsdənkənar məşğələlər zamanı baş verib.
Valideyn qrupları uzun müddətdir bu şikayətlərə ciddi yanaşılmasını tələb edir. Onların sözlərinə görə, kadrların işə qəbulu və yoxlanılması prosesindəki boşluqlar bu halların davam etməsinə şərait yaradıb.
Fransada məktəblərdə uşaqlara nəzarət edən müvəqqəti işçilərin çox vaxt xüsusi təlim və diplom olmadan yerli bələdiyyələr tərəfindən müvəqqəti əsaslarla işə götürüldüyü qeyd olunur.
