Yaponiyada "Fukusima-1" AES radiasiya zonasında mutant donuzlar sürətlə çoxalır. Bu barədə Britaniyanın "Mirror" nəşri məlumat yayıb.
2011-ci ildəki qəzadan sonra fermalardan qaçan donuzlar vəhşi qabanlarla cütləşərək hibrid nəsil yaradıb. Yeni hibridlər sürətli çoxalma qabiliyyətinə malikdir.
Hirosaki və Fukusima universitetlərinin alimləri müəyyən edib ki, bu hibridlərin çoxalma dövrü adi qabanlardan qısadır. Bu da populyasiyanın həndəsi silsilə ilə artmasına səbəb olur.
Mütəxəssislər bu heyvanları aqressiv invaziv növ kimi qiymətləndirir. Onlar kənd təsərrüfatına ziyan vurur, ev heyvanlarına xəsarət yetirir və ekosistemi pozur.
Fukusima ətrafındakı kimsəsiz ərazilərdə qaban populyasiyası kəskin artıb. Yapon rəsmiləri mutant donuzların yaşayış məntəqələrini zəbt etməsindən narahatdır.
