Yer kürəsində maqnit sahəsinin zəif pozuntuları qeydə alınıb, lakin hələlik maqnit qasırğası başlamayıb.
Rusiya Elmlər Akademiyasının Kosmik Tədqiqatlar İnstitutu və Günəş-Yer Fizikası İnstitutunun Günəş astronomiyası laboratoriyası bu barədə məlumat yayıb.
“Müddət təxminən iki saat yarım çəkdi. Hazırkı vəziyyətə görə göstəricinin qırmızı səviyyəyə çatmaq ehtimalı hələ də var, lakin obyektiv olaraq artıq bunun baş verməsi ehtimalı azalır”, - məlumatda bildirilib.
Qeyd edək ki, iyunun 3-də baş vermiş X sinifli Günəş partlayışından yaranan plazma buludunun Yerə çatdığı və maqnit qasırğalarının gözlənildiyi açıqlanmışdı.
