Yüksək qan təzyiqi bəzən heç bir əlamət göstərmir. Lakin kardioloq Ella Vinoqradova deyir ki, gündəlik ölçmə həyatınızı xilas edə bilər.
Stres və ya ağrı zamanı təzyiqin kəskin yüksəlməsi başağrısı, ürəkbulanma, halsızlıq yarada bilər. Tədricən yüksələn təzyiq isə orqanizm tərəfindən qəbul edilir və insan heç nə hiss etmir.
Hipertoniya ürəkdə struktur dəyişikliklərinə, damar zədələnməsinə, böyrək çatışmazlığına səbəb ola bilər. Müalicə olunmazsa, infarkt, insult və demensiya riski artır.
Vinoqradova tövsiyə edir: evdə 3-7 gün səhər-axşam təzyiqi ölçün, nəticələri yazın. 135/85 mmHg-dən yuxarı olarsa, həkimə müraciət edin.
Profilaktika üçün balanslı qidalanın, duz və fastfudi azaldın, idman edin, siqaret və spirti buraxın.
