İyunun 3-də Günəşdə güclü partlayış qeydə alınıb. Alimlər bunu son ayların ən güclü hadisəsi adlandırır.
Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası "Telegram" kanalında bildirib ki, partlayış M9.3 səviyyəsində olub.
Hadisə Bakı vaxtı ilə saat 5:36-da baş verib. Gücü ən yüksək rentgen sinfindən cəmi 7% az olub.
Ekspertlər qeyd edir ki, partlayış demək olar ki, diskin mərkəzində baş verib. Bu səbəbdən plazma axınları birbaşa Yerə doğru yönələ bilər.
Lakin alimlər hələlik hadisəni zərərsiz hesab edir. Yaxın günlərdə vəziyyət izləniləcək.
