Bu səhər Gürcüstanın Qardabani bölgəsində dəhşətli yol qəzası baş verib. Yeddi azərbaycanlı gənc həlak olub, bir nəfər isə ağır yaralanıb.
Qəza Birlik kəndində baş verib. Yüksək sürətlə hərəkət edən BMW ağaca çırpılıb və parçalanıb.
Gürcüstan DİN hadisə ilə bağlı araşdırma başladıb. Ölənlər arasında qardaşlar Şamil və Kamil Əliyev, həmçinin Əlil və Sahir Cəlilov da var.
Yerli sakinlərin sözlərinə görə, gənclər bir yerdə işləyir və qohum idilər. Onların valideynləri vəfat edib, nənə və babalarının himayəsində böyüyüblər.
Yaralanan gənc Rustavi xəstəxanasında ağır vəziyyətdədir. Həkimlər onun həyatı üçün mübarizə aparır.
