"Haber Global" Türkiyə telekanalı Azərbaycan Prezidenti İlham Əliyevin Müstəqillik Günündə Şuşaya səfərini işıqlandıran video hazırlayıb.
Videoda qeyd olunur ki, bu gün Azərbaycanın müstəqil elan edilməsinin 108-ci ildönümüdür. Prezident İlham Əliyev işğaldan azad edilmiş Şuşa şəhərinə gedib.
Dövlət başçısı Böyük Qaladərəsi kəndində yenidənqurma işləri ilə tanış olub, sakinlərlə görüşüb.
Materialda Türkiyə Prezidenti Rəcəb Tayyib Ərdoğanın təbrik məktubu da yer alıb. Məktubda "tək millət, iki dövlət" əsasında münasibətlərin güclənməsi vurğulanıb.
Həmçinin ABŞ Prezidenti Donald Tramp da Azərbaycan liderini təbrik edib, sülh prosesinə diqqət çəkib.
