Türkiyədə məşhurlara qarşı narkotik əməliyyatı çərçivəsində saxlanılan "Habertürk TV"nin keçmiş baş redaktoru Mehmet Akif Ersoy haqqında ittihamnamə hazırlanıb.
İstanbul Prokurorluğu "Mehmet Akif Cinayət Təşkilatı"na qarşı istintaqı yekunlaşdırıb. İttihamnamədə 11 qadın zərərçəkmiş qismində yer alıb.
Sənəddə cinayətlərin mütəşəkkil dəstə daxilində törədildiyi qeyd olunub. Təşkilatın rəhbəri Ersoy dost və iş mühitindən tanıdığı şəxslərlə narkotik məclisləri təşkil edib, cinsi istəklərini təmin etmək üçün qurbanlardan istifadə etdiyi iddia olunur.
Prokurorluq Ersoy barəsində: cinayətkar təşkilat qurmaq və idarə etmək, 11 dəfə cinsi təcavüz, narkotik ticarəti və istifadəsini asanlaşdırmaq maddələri ilə cəzalandırılmasını tələb edib. Ümumilikdə 11 il 3 aydan 286 il 2 aya qədər həbs cəzası istənilir.
