Türkiyəli məşhur müğənni Haluk Levent konsertdən sonra qəflətən xəstələnib və təcili olaraq xəstəxanaya yerləşdirilib.
Oxu.Az xəbər verir ki, sənətçi Eskişehirdəki konsertdən sonra AFAD rəsmiləri ilə görüşə gedərkən yolda özünü pis hiss edib. O, dərhal Qazi Universiteti Tibb Fakültəsi Xəstəxanasına aparılıb.
İlkin müayinələrdən sonra mədə qanaması keçirdiyi müəyyən olunub. Vəziyyəti ciddi qiymətləndirilən Haluk Levent dərhal reanimasiya şöbəsinə yerləşdirilib. Həkimlər onun müalicəsini intensiv şəkildə davam etdirdiklərini bildirirlər.
