Hantavirus otaq temperaturunda iki həftəyə qədər aktiv qala bilər. Bu barədə Novosibirsk Dövlət Universitetinin həkim-infeksionisti Yuliya Yermolayeva məlumat verib.
Patogen üçün optimal şərait 4°C və yüksək rütubətdir. Yoluxma halları il boyu görünsə də, pik dövr yay və payızdır.
Mütəxəssis qeyd edib ki, qışda da risk var: siçanlar isti yerlərə - evlərə, qarajlara keçir. Zəif ventilyasiya hava-toz yolunu artırır.
Xatırladaq ki, ÜST Argentinadan Kabo-Verdeyə gedən kruiz gəmisində hantavirus yayıldığını açıqlayıb. Üç nəfər həyatını itirib.
