Hindistanın Kəlküttə şəhərində anbar binasının çökməsi nəticəsində azı 11 nəfər ölüb.
Oxu.Az xəbər verir ki, bu barədə "Press Trust of India" agentliyi məlumat yayıb.
Təcili yardım xidmətləri dağılan binanın qalıqlarını təmizləyərək axtarış tədbirlərinə başlayıblar.
Xilasedicilər dağıntılar altında qalan şəxsləri tapmaq üçün hərbi yerüstü radar sistemlərindən istifadə edirlər. Bu avadanlıqlar sayəsində 20 işçi xilas edilib. Onlardan bir neçəsinin vəziyyətinin ağır olduğu bildirilir.
İlkin məlumatlara görə, hadisəyə anbarın tikintisi zamanı təhlükəsizlik qaydalarına riayət olunmaması səbəb olub. Binanın sahibi polis tərəfindən saxlanılıb və cinayət işi başlanıb.
