Hindistanın Karnataka ştatındakı safari parkında dəhşətli hadisə baş verib. Bir qadın turist filin hücumu nəticəsində həlak olub.
"The Indian Express"in məlumatına görə, ziyarətçilər fillərin çimdirilməsini izləyərkən iki erkək fil dalaşıb. Fillərdən biri qaçarkən digərini itələyib.
Tarazlığını itirən nəhəng heyvan 33 yaşlı qadının üzərinə yıxılıb. O, aldığı ağır xəsarətlərdən hadisə yerindəcə ölüb.
Yerli rəsmilər hadisə ilə bağlı araşdırma başladıb və təhlükəsizlik tədbirlərinin gücləndirilməsini tapşırıb.
