Hindistanın Uttar-Pradeş ştatında güclü külək bir kişini təxminən 50 metr yüksəkliyə qaldırıb.
"The Indian Express" yazır ki, hadisə fevralın sonlarında baş verib. Sosial şəbəkələrdə yayılan videoda kişinin dəmir talvardan yapışdığı, lakin qasırğanın onu havaya qaldırdığı görünür.
Kişi sağ qalıb, lakin çoxsaylı sınıqlar və ağır xəsarətlər alıb. Fırtına nəticəsində ştatda 100-dən çox insan həyatını itirib.
