Yəmənin "Ənsar Allah" (husilər) üsyançı hərəkatı Təl-Əviv yaxınlığındakı hədəflərə raket zərbəsi endirib və Qırmızı dənizdən İsrail gəmilərinin keçidinə tam qadağa qoyduğunu bəyan edib.
Oxu.Az-ın TASS-a istinadən məlumatına görə, radikalların silahlı qüvvələri bəyanat yayıb.
"Yəmən silahlı qüvvələri işğal olunmuş Yaffo ərazisində (Tel-Əviv) İsrailin mühüm nöqtələrinə raketlər atıb və hədəflər dəqiq vurulub", - deyə açıqlamada bildirilib.
Husilər Qırmızı dənizdə İsrail üçün dəniz gəmiçiliyinə tam və qəti qadağa tətbiq edildiyini elan ediblər.
"Bu bəyanat dərc olunduğu andan düşmənin bütün hərəkətləri bizim silahlı qüvvələrimiz üçün hərbi hədəfə çevrilir", - deyə radikallar qeyd ediblər.
