Amerikalı iş adamı və milyarder İlon Mask yaxın vaxtlarda ABŞ-də tam avtonom, sürücüsüz avtomobillərin istifadəsinin ciddi şəkildə genişlənəcəyini bildirib.
Oxu.Az-ın məlumatına görə, "Reuters" agentliyi onun açıqlamasına istinadən xəbər yayıb.
İsraildə keçirilən "Smart Mobility Summit" tədbirində videoəlaqə ilə çıxış edən Mask qeyd edib ki, Texas ştatının üç şəhərində artıq təhlükəsizlik operatoru olmayan pilotsuz avtomobillər fəaliyyət göstərir.
Onun sözlərinə görə, bu il ərzində bu texnologiyanın ABŞ-nin daha geniş bazarına daxil olması mümkündür. O, həmçinin yaxın illərdə avtonom nəqliyyat sahəsinin sürətli inkişaf edəcəyini vurğulayıb.
"Beş ildən və şübhəsiz ki, on ildən sonra bütün səfərlərin təxminən 90%-i süni intellektə malik avtomobillər tərəfindən həyata keçiriləcək", - deyə Mask bildirib.
Milyarder əlavə edib ki, gələcəkdə avtomobilin insan tərəfindən idarə edilməsi nadir hala çevriləcək.
