ABŞ ilə texniki müzakirələrdən sonra dörd işçi qrupu təşkil edilib. Bu barədə İran XİN müavini Kazım Qəribabadi məlumat verib.
Qruplar sanksiyaların götürülməsi, nüvə məsələləri, yenidənqurma və iqtisadi inkişaf, həmçinin monitorinq sahələrində işləyəcək.
İranın 12 milyard dollar dondurulmuş vəsaitinin sərbəst buraxılması razılaşması əməliyyat mərhələsinə keçib. Həmçinin Hörmüz boğazında gəmi təhlükəsizliyi mexanizmi və Livanda Qətər-Pakistan iştirakı ilə münaqişələrin qarşısının alınması bölməsi təsdiqlənib.
Texniki danışıqlar zamanı İran nefti və neft-kimya məhsullarının satışı üçün baş lisenziya verilib, dondurulmuş aktivlərin sərbəst buraxılmasına dair razılaşmalar əldə olunub.
