İran hərbi qüvvələri ABŞ-nin Bəhreyndəki donanma mövqelərinə PUA ilə zərbələr endirib. Bu barədə İranın "Press TV" telekanalı məlumat yayıb.
"Düşmənin hərəkətlərinə cavab olaraq, İslam İnqilabı Keşikçiləri Korpusunun hərbi dəniz qüvvələri saat 2:30-da Bəhreyndəki 5-ci donanmaya qarşı PUA hücumu həyata keçirib", - deyə açıqlamada qeyd olunub.
SEPAH regiondakı bir neçə ABŞ bazasına zərbələr endirib. Rəsmi məlumatda ABŞ hücumları nəticəsində iki su çəninin dağıldığı və telekommunikasiya qülləsinə ziyan dəydiyi bildirilir.
İran hərbi hava qüvvələri ABŞ-nin Yaxın Şərqdəki hərbi bazalarına zərbələr endirib. "Dörd mühüm hədəf, o cümlədən aviabazada F-35 qırıcılarının anqarları və İordaniyada Amerika ordusunun idarəetmə mərkəzi məhv edilib", - deyə SEPAH bildirib.
İran ümumilikdə 21 hədəfi vurduğunu və MQ9 PUA-nı zərərsizləşdirdiyini açıqlayıb. ABŞ isə İran raket və PUA-larının əksəriyyətinin havada zərərsizləşdirildiyini bildirib.
