İranın zənginləşdirilmiş uran ehtiyatlarının yeri və nəzarət məsələsi Tehran və Vaşinqton arasında mümkün razılaşmanın qarşısında duran əsas maneədir.
Oxu.Az-ın xəbərinə görə, bu barədə "The New York Times" Beynəlxalq Atom Enerjisi Agentliyinin (BAEA) qiymətləndirmələrinə istinadən məlumat verib.
Ehtiyatların əhəmiyyətli hissəsi İsfahandakı nüvə kompleksinin dərin yeraltı tunellərində saxlanılır. Qalan hissəsi isə Fordo və Natanz obyektlərindədir.
ABŞ məmurları İran uranının bir hissəsinin BAEA nəzarətindən kənara çıxarıldığından narahatdır. Bu, danışıqları daha da çətinləşdirə bilər.
