ABŞ və İran arasında imzalanan anlaşma memorandumu Hörmüz boğazının açılması və nüvə danışıqlarının bərpası üçün zəmin yaradır.
"Azad İran" YouTube kanalının videosüjetində qeyd olunur ki, bu razılaşma İrana dərhal üstünlük verir: neft satışını sərbəst bərpa etmək imkanı. Tehran itirdiyi gəlirləri yenidən qazana bilər.
60 günlük müddətdə ABŞ və İran danışıqlara başlayacaq. Əsas mövzu İranın nüvə proqramı ilə bağlı yeni razılaşmadır. Donald Tramp bu sazişi 2015-ci il müqaviləsindən daha sərt etməyə çalışacaq.
Memoranduma əsasən, Hörmüz boğazı yenidən açılacaq, ABŞ İran limanlarına blokadanı ləğv edəcək. Bu, dünya yanacaq qiymətlərini aşağı sala bilər. Gəmilər 60 gün rüsumsuz keçəcək. Müharibədə boğazın bağlanması İranın təzyiq vasitəsi idi, enerji qiymətlərini artırmışdı.
