İran ABŞ ilə dolayı danışıqlar çərçivəsində uranın 3.6%-dən yuxarı zənginləşdirilməsinin 10 il müddətinə dayandırılmasını təklif edib.
"Al Hadath" mənbələrə istinadən bildirir ki, İran həmçinin 20%-dən yuxarı zənginləşdirilmiş uranı ölkə daxilində seyrəltməyə hazırdır.
Layihəyə əsasən, İran nüvə silahı istehsal etməyəcəyini təsdiqləyir. Buna qarşılıq ABŞ-dən sanksiyaların tam ləğvi və dondurulmuş aktivlərin qaytarılması tələb olunur.
İran XİN nümayəndəsi İsmayıl Bəqayi isə qeyd edib ki, hazırda nüvə dosyesi əsas müzakirə mövzusu deyil.
